هيدا هوا الحب الحقيقي

كلنا سمعنا عن نور و مهند .... لميس و يحيى .... و غيرهم و غيراتهم من الحبيبة يعني .لكن الحب اللي راح اتكم عنو انزه من اي حب شفناه او سمعنا عنو اسمى علاقات الحب {{ حب الزوج للزوجة }}

تخيلو لو احد الازواج راجع من معركة و روح البيت و لقى زوجته بتلعب بالعرايس {العاب يعني} شو راح يعمل انا بحكي انو راح يبهدلها و يقولها قومي اعمليلي حاجة اكلها و رح يستخف عقلها

لكن شوفو هاد الزوج الرائع . قعد جنبها و صارت تقول له هادي اسمها كذا و هادي كذا و صار يسمعلها شو بتحكي لمدة طويلة لما زهقت .. عارفين مين هاد الزوج المتالي ....هوخير البرية رسولكم عليه افضل الصلاة و التسليم

طيب موقف تاني لو كا باب بيت احدهم مفتوح و مرت متلا دورة كشافة الزوج طبعا راح يقف يشوف لو اجت زوجته تشوف باعتقادي راح يصرخ بوجهها انتي شو بتعملي هون ضبي حالك يا مرة هاد ان ما شالها هاداك الكف اللي راح تشوف الواحد تنين بعديه

لكن رسول الله كان يشاهد الغلمان بيلعبو بالمسجد وقف و سند يده للباب و اجت عائشة ام المؤمنين تتفرج معاه و سندت راسها على يد الرسول لما تعب الرسول قال لها (أما اكتفيتي يا عائشة) قالت له : لا . فما زاح يده و خلاها لما خلصت .. شفتو كيف رسول لله

غير انو كان يحب زوجته خديجة حبا جما لدرجة ان عائشة ام المؤمنين كانت تغار منها و هي ميتة من كتر ما كان رسول الله يحكي عنها

طبعا لو بالزمان هادا لو تزوج الرجل بعد وفاة الزوجة الاولى حدث و لا حرج بيحكي بلا مرة اولى بلا هم يا شيخ ريحتني باعتقادي الا من رحم ربي طبعا

طبعا هناك العديد و العديد من المواقف و لكن ما حبيت اطول عليكم رغم انو سيرة خير الانام افضل من كل قصص الحب قمة المتعة ان تدرس سيرته
صلى الله عليه و سلم

انا بقول هاد هو فعلا الحب الحقيقي

و في النهاية بدعي
اللهم حبب ازواج المسلمين لزوجاتهم و حبب زوجاتهم اليهم

و صلي اللهم على سيدنا محمد و على آله و صحبه و الابرار

بتمنى يعجبكم موضوعي